Новости

Прилагодување кон стандарите  на Европската Унија во поглед на квалитетот на земјоделските производи и регулирање на пазарот со нив, Ова се основите на предлогот на Закон за квалитет на земјоделски производи, за кој денеска во Министреството за земјоделство, шумарство и водостропанство се одржа јавна расправа со претставници на невладиниот сектот-земјоделски здруженија и со научни установи .

Министерот за земјоделство,шумарство и водостопанство Љупчо Димовски активно се вклучи во граѓанската иницијатива  ,,Ден на дрвото-засади ја својата иднина,, реализира под слоганот „Растеме заедно“.

По тој повод министерот Димовски на локалитетот филтерница во Кратово заедно со градоначалникот Мите Андоновски се придружија на илјадниците граѓани кои масовно излегоа да засадат 40 000 садници предвидени за тој реон.

Под мотото „Поблиски до природата“ во велешкото село Согле во близина на еколошкиот регион на Азот по четврти пат се одржа Саемот на здрава храна.

На првиот оглас за ИПАРД средствата се пријавиле вкупно 131 апликант, но оваа бројка не е конечна зашто некои од барањата се уште пристигнуваат по пошта, рече денеска на прес-конференција заменик министерот за земјоделство, шумарство и водостопанство Перица Иваноски.

- Ова е исклучително добар, охрабрувачки резултат, особено ако се спореди со резултатите остварени во другите земји, сега членки на ЕУ. Aко пак се земе предвид амбинетот настанат од негативното влијание на светската финансиска криза, ваквите резултати се совпаѓаат со нашите првични проекции, истакна Иваноски.

Здруженија,  фондации со седиште во рурално подрачје и единиците на локалната самоуправа во руралните подрачја самостојно или преку јавно-приватно партнерство, до 12 април  ќе можат да аплицираат  за  четвртата мерка од Програмата за финансиска поддршка на руралниот развој за 2010 година.Оваа мерка се однесува на промотивните активности за развој на руралниот туризам. Барањата за кофинансирање треба да се достават до Агенцијата за финансиска поддршка  на земјоделството и руралниот развој  по пошта или лично. Инаку, сите права од интелектуална сопственост и авторските права со кои се стекнал корисникот на оваа програма се отстапуваат на Министерството за земјоделство, шумарство и водостопанство.