Новости

Министерот за земјоделство, шумарство и водостопанство Љупчо Димовски и Фернанда Гуериери од Организацијата за земјоделство и храна на ОН (ФАО) денеска потпишаа Договор за почнување на Проектот за поддршка во управувањето со државното земјоделско земјиште.

Станува збор за двегодишен Проект вреден 340.000 американски долари, во чии рамки ќе се изврши преглед и ревизија на политиките и на Законот за управување со земјоделско земјиште во државна сопственост со цел обезбедување поголема транспарентност и подобрување на механизмите за давање на државното земјоделско земјиште под закуп.

Проектот ќе придонесе за подобрување на управувањето со земјоделското земјиште, за поефикасно водење на  земјишната политика и за подобро функционирање на пазарот со земјиште.

Министерот за земјоделство, шумарство и водостопанство Љупчо Димовски и директорот на Управата за водостопанство Методија Томески ги посетија населените места во општина Јегуновце.

Посетата на општина Јегуновце е реализирана поради зголемениот водостој на реката Вардар и поплавувањето на неколку дворни места во куќите и на земјоделско земјиште.

Причина за поплавите се интензивните врнежи од дожд во изминатите двасет и четири часа. Министерството за земјоделство, шумарство и водостопанство во координација со надлежните институции и со Центарот за управување со кризи ја следи состојбата на терен и презема соодветни мерки и активности

Експертски тим од Министерството за земјоделство, шумарство и водостопанство, со техничка и експерстка помош од Проектот за подршка на подготовките за ИПАРД- СИПП, ги изработи Правилникот, кодексот и прирачникот за воведување на Добра земјоделска и хигиенска преакса. На јавната расправа која се одржа неделава, а на која присуствуваа  и претставници од невладиниот сектор,земјоделските здруженија и науката, беше истакнато дека во овие три документи се содржани одредби кои се во согласност со европската легислатива и  националното законодавство кое се однесува на воведувањето на Добрата земјоделска пракса.

Во Штип денеска се одржа трибина за ИПАРД програмата на која присуствуваше министерот за земјоделство, шумарство и водостопанство Љупчо Димовски.

Целта на трибината, како што рече Димовски, е да се детектираат проблемите и критериумите за ИПАРД апликациите.

- Детерминирани се проблеми во делот на Законот за градење, заштита на животната средина и добивањето соодветни документи предвидени во ИПАРД средствата. Очекувам во соработка со ресорните министерства да ги надминеме, истакна Димовски.

Тој додаде дека Министерството за земјоделство ќе се обиде да ги намали критериумите за ИПАРД апликациите.
Во наредните месеци вакви трибини и средби ќе се одржат во уште неколку градови

Собранието на Република Македонија  го донесе Законот за вино. Заштита на интересите на производителите и потрошувачите, подобрување на квалитетот на виното и подобро функционирање на внатрешниот и надворешниот пазар на вино, се основните цели на новата законска регулатива за вино.

"