Новости

Министерот за земјоделство, шумарство и водостопанство Љупчо Димовски учествуваше на порибувањето на акумулацијата Козјак со 100 килограми подмладок од автохтоната пастрмка „поточарка“.

Порибувањето, второ во текот на оваа година, го изврши јавното претпријатие за управување и заштита на повеќенаменското подрачје „Јасен“ кое е концесионер на акумулацијата Козјак.

- Паралелно со порибувањето на водите од страна на концесионерите,  Министерството за земјоделство, во соработка со Институтот за сточарство и Хидробиолошкиот завод од Охрид, ги порибува риболовните води кои не се дадени под концесија. Според годишниот план, досега е извршено порибување со пастрмка на реката Вардар и нејзините притоки во гостиварскиот, тетовскиот и во скопскиот дел, а од вештачките езера  порибени се акумулациите Липково, Глажња, Калиманци и Лисиче – изјави министерот Димовски.

Преку 100 претставници од 20 европски држави учествуваат на годишната конференција на „ПРЕПАРЕ“ програмата што почна денеска во Охрид.

Програмата посветена на руралниот економски развој и проширувањето на ЕУ кон Југоисточна Европа, ја отвори министерот за земјоделство, шумарство и водостопанство Љупчо Димовски.

Целите на програмата „ПРЕПАРЕ“, истакна Димовски, се совпаѓаат со македонската национална Програма за рурален развој - јакнење на граѓанското општество и промоција на мултинационлната размена во руралниот развој.

По тутунопроизводителите кои први ги добија 23- милиони евра од субвенциите од годинешната Програма за финансирање на земјоделството, сега на ред се млеко производителите.

Од програмата за финансиска поддршка за 2010 година, сточарите кои млекото го  предале  во преработувачки капацитети запишани во Регистар на одобрени објекти за производство на храна од животинско потекло во период од септември 2009 до септември 2010 година ќе добијат по 2,5 денари за литар млеко.

Во моментов се исплаќа млекото од првиот рок на пријавување, односно за поднесените барања од 15 февруари до 15 март за млеко предадено во последниот квартал од изминатата година.

Сточарите кои поднесоа барање во првиот рок веќе ги добиваат субвенциите на нивните сметки. Од планираните 74 милиони денари исплатени се околу 50 милиони денари,а останатите средства ќе бидат исплатувани во континуитет и во најкус можен рок.

Почитување на одредбите од Законот за тутун и тутунски производи од страна на производителите и откупувачите, навремено обезбедување пари за откуп од страна на тутунските компании за договорените количини и следење на целокупниот производствен процес на тутунот преку интензивирање на соработката на откупните компании со тутунопроизводителите, со цел новата производствена реколта да биде со повисок квалитет. Ова се дел од заклучоците од денешниот координативен состанок на министерот Љупчо Димовски со претставници на тутунските компании.

Во насока на навремена подготовка за новата откупна кампања, Државниот инспекторат за земјоделство најави засилени контроли на теренот со цел почитување на законските правила во производството и откупот на оваа индустриска култура.

,,Република Македонија има одличен природен потенцијал за развој на земјоделството, особено на традиционалното производство кое се бара на странските пазари. Предничи традиционалното сточарско производство, чии млечни, традиционално произведени преработки, преку мрежата на ,, Слоу фуд, ,, ќе го трасираат патот за промоција и продажба на европскиот пазар.,, Ова  е заклучокот од денешната средба на министерот за земјоделство, шумарство и водостопанство Љупчо Димовски со Пиеро Сардо, претседател на ,,Слоу Фуд Фондација за Биодиверзитет,, од Италија и претставници на македонската фондација ,,Слоу Фуд Шарпланинска,, членка на  меѓународното здружение ,, Слоу Фуд,,.