Министерот Љупчо Димовски и министерот Џери Наумов денес, во Министерството за земјоделство, шумарство и водотопанство одржаа средба со  претставници на израелската компанија Бен Дор, компанија која развива нови сорти на овошје, со посебен акцент на вкусот и аромата, и која поседува овоштарници, но го одржува и стабилното снабдување со производи со врвен квалитет во текот на сите сезони. Компанијата ги поседува меѓународните стандарди за квалитет, вклучувајќи GLOBALGAP,  BRC и ISO 9001 и поседува пакувачки капацитети, ладилници и транзит станици и е распространета ширум светот.

Млекопреработувачката идустрија е во подем. Владините политики и субвенциите во овој сектор го зголемија сточниот фонд, но и производството на млеко. Сето ова придонесе повеќе да нема нестабилност во производството на млеко ниту пак нестабилност во неговиот откупот истакна министерот Димовски. Според него посебно радува фактот  што покрај производството и самиот квалитет на млекото оди во нагорна линија.
„Веќе млекопроизводителите се свесни дека имаат сигурност, имаат сигурен партнер во министерството кое што води грижа за нивните интереси и тоа особено ни е драго. Од друга страна пак задоволство е да се слушне дека самите откупувачи на млеко веќе откупуваат од производителите млеко со повискока класа, со повисока категорија, не е сето тоа сеуште доволно, меѓутоа и тука е трендот во нагорна линија.“ рече министерот Димовски.

Проблемот со вишокот свинско месо е надминат. Сега ги утврдуваме политиките што треба да се спроведат во следниот период, изјави денеска министерот за земјоделство, шумарство и водостопанство Љупчо Димовски.
По посетата на кланицата „Агриа“ во Велес, министерот Димовски напомена дека ниту една мерка или политика на Министерството не е случајна и се носи врз основа на претходни сериозни анализи во кои се вклучени сите од секторот. Воедно најави засилени контроли на увозот на замрзнато свинско месо. Посебно, како што рече, ќе се врши контрола на квалитетот и нема да се дозволи замрзнато свинско месо да се пласира како свежо.
- Целта на Министерството е зголемување на производство на свинско месо. Од 170.000 свињи, бројката достигна 300.000 што е голем напредок. Се зголемува и бројот на мали фарми со 50 до 100 грла. Работата на одгледувачите треба да биде координирана за да можеме да го заштитиме и унапредиме секоторт свињарство, рече министерот Димовски.

Република Македонија и Народна Република Кина имаат одлични односи и плодна соработка во областа на земјоделството, истакнаа министерот за земјоделство, Љупчо Димовски и амбасадорот на НР Кина во нашата држава, Цуи Џивеи на денешната проштална средба.

Министерот Димовски на средбата му се заблагодари на амбасадорот Џивеи за неговата и за поддршката која неговата земја ја дава на Министерството за земјоделство и на Владата на Република Македонија, како и за можностите за обука и школување на вработени во министерството за земјоделство во НР Кина и му посака успех на личен и професионален план и во иднина.

„Нашата плодна и успешна соработка ќе продолжи и во иднина. Во Македонија секогаш ќе имате искрени пријатели“ – истакна министерот Димовски.

Амбасадорот Џивеи се заблагодари на поддршката и помошта која ја имаше од министерот Димовски и министерството за неговата и работата на амбасадата.

Министерот за земјоделство, шумарство и водостопанство Љупчо Димовски во рамките на своите програмски активности и надлежности денеска изврши обиколка и контрола на млекопроизводствени капацитети во Битола и битолско.

За време на посетата на битолската млекарница БиМилк министерот Димовски посочи дека средбата со менаџментот на млекарницата овозможила да се информира за проектите кои ги реализира МЗШВ во соработка со таа компанија, со која како што рече министерот Димовски имаат традиционално добри партнерски односи.