Новости

Министерот за земјоделство, шумарство и водостопанство Љупчо Димовски денеска, во придружба на својот домаќин Игит Тунџел, генерален директор на „Сокотаб“ - Битола, го означи официјалниот почеток на откупот на тутунот од годинешната реколта.

Ресорното Министерство очекува откуп на поквалитетен тутун од лани, но помало производство поради неповолните временски услови.

- Откупот го почнуваме два дена порано од законската обврска. Очекуваме тутун со повисок квалитет од лани. Изјави министерот Димовски при посетата на „Сокотаб“.

Откупот на тутунот на сите пунктови во државата го вршат комисии во кои задолжително има претставници од здруженијата на тутунопроизводители.

,,Стилизирано сонце со фиданка е новата национална ознака за органски производ. Таа е гаранција дека производот е сертифициран во согласност со одредени стандарди и на него се извршени сите неопходни контроли. Ознаката е непосредна информирација за органското потекло и квалитетот на производот,, Ова го истакна миниатсрот за земјоделство, шумарство и водостопанство Љупчо Димовски на промоцијата на македонската ознака  за органски производ.

Како што рече тој, симболот е избран од страна на сите вклучени во системот на производство на органската храна и од граѓаните на Република Македонија. ,,Пет предлог идејни решенија беа ставени на веб страната на Министерството за земјоделство,шумарство и водостопанств. Во текот на мај и јуни се гласаше за избор на новата национална ознака за органски производ, а предлог идејното решение кое доби најмногу гласови од граѓаните, беше пропишано во Правилник,, додаде министерот Димовски.

Во организација на министерството за земјоделство,шумарство и водостопанство денеска се одржа јавна расправа  по новиот текст на ,,Заедничката основна програма за одгледување на добиток,,.

Оваа програма претставува генерална рамка за одгледување на добитокот во однос на генетското унапредување, низ одгледувачки програми со соодветна зоотехничка ширина и економска компетитивност, а заради нивна одржливост во рамките на заедничката земјоделска политика на ЕУ и пошироко.

Со овој документ по видови на домашни животни се оценуваат и препорачуваат оптималните големини на основните популации на приплодни грла, структурата на националните пирамиди, правците на селекција и облагородување, основните одгледувачки цели, одгледувачките шеми и генотипови, зоотехничките зафати и документација, обемот и начинот на водење на фармската евиденција и потребните бази на податоци.

Додаток за превземање: 

Clen 14A Katastar

Додаток за превземање: 

Clen 42A Odgleduvanje i promet na matici

Додаток за превземање: 

Clen 43Z Pravilnik za formata i sodrzinata

Додаток за превземање: 

ZOPOD Javna rasprava

Стабилни субвенции од 2,5 денари за литар млеко, финансиска поддршка и за преработувачите, можност да се користат средствата од ИПАРД Програмата. Ова се дел од основите на кои почива млечниот бизниз во Република Македонија, сектор кој станува се посигурен и поинтересен за инвестирање од домашните ,но пред се од странските компании. Ова е заклучокот од посетата на заменик министерот за земјоделство, шумарство и водостопанство Перица Иваноски на прилепската млекарница која пред неколку месеци ја рестартира македонско-бугарската компанија „Сирма-Пелистер”.
-Индустријата за преработка на млеко има големи можности за развој. Битно е што ова е странска инвестиција. Млекарницата работи, откупува млеко. Уште поважно е што менаџерскиот тим има развојни планови кои наскоро ќе ги реализира, рече заменик - министерот Иваноски.

Македонската месна индустрија станува се поконкурентна во регионот,таков е случајот со „Мега“ чиј производен капацитет денеска го посети министерот за земјоделство, шумарство и водостопанство Љупчо Димовски.Високиот квалитет што го нуди оваа месна индустрија претставува сериозна конкуренција за производителите во регионот и поради тоа се соочува со бариери. Ние веќе ја информиравме Владата за овој проблем и во соработка со Министерството за економија ќе се обидеме што поскоро да го решиме, изјави Димовски откако со сопственикот Зоран Ранѓеловиќ го разгледа производниот капацитет.

Министерот смета дека квалитетот, сепак, е тој што треба да биде пресуден дали некој производ ќе се купува или не.Македонија иако увезува месни преработки, може сама да произведува и да ги задоволи потребите на домашниот пазар.