Новости

Управата за хидрометеоролошки работи најавува зголемување на температурите во наредните два дена, кои според проценките на синоптичарите, утре, понеделник, 8.08.2011 ќе достигнат до 37, а во вторник до 38 степени Целзиусови. Зголемеите  дневни температури, но и најавениот засилен ветер за в среда, според Секторот за аналитика при Дирекцијата за заштита и спасување, ја зголемува и опасноста од појава на шумски пожари.

Поради ваквата состојба, нивото на готовност на сите мобилни екипи за превенција и за гаснење на пожарите во наредните денови ќе биде подигнато на највисоко ниво. Во насока на превенција на појава на шумски пожари, Оперативното координативно тело за заштита од шумски пожари  ги потсетува граѓаните дека е воведана делумна забрана за движење во шумите, а земјоделците дека е забрането палење на стрништата.

Министерот за земјоделтво, шумарство и водостопанство Љупчо Димовски и заменик министерот Зоран Коњановски, денеска, во битолкото село Новаци одржаа работен состанок со членовите на Соузот на земјоделци на Република Македонија. Земјоделците ја поздравија владината одлука за заштита на пазарот со брашно и пченица и од ресорното Министерство за земјоделство побараа да се разгледа можноста за промена на законот за Агенцијата за стокови резерви, со што за потребите  на стоковите резерви пченицата во иднина  би се откупувала непосредно од произодителите.

Тие ги информираа првите луѓе на Министерството за земјоделство,шумарство и водостопанство дека во пелагониско годинава се произведени околу 25  илјади тони пченица, од кои мелничките компании имаат откупено само околу 5 илјади тони.

Заменик министерот за земјоделство, шумарство и водостопанство  Зоран Коњановски, денеска го посети прилепскиот регион кој вчера беше погоден од силно невреме проследено со силен дожд и град. Покрај оштетувањата на инфраструктурата, големи се и штетите кои невремето ги направи врз земјоделските култури.

-Општинските комисии за процена на штетите во најкус можен рок да излезат на терен и да ја направат проценката, а извештајот итно да се достави до владината комисија, врз основа на што, ќе се донесе и соодветна одлука за обесштетување – истакна тој по средбата со граѓаните од оваа општина.

Земјоделците го информираа заменик министерот Коњаносвки дека од вчерашното невреме, најголеми штети се евидентирни кај ј тутунот, земјоделска култура која е најзастапена во овој регион, но и кај пиперките.

Врз основа на неколкуте одржани состаноци со претставниците на земјоделските здруженија и на компаниите од мелничко-пекарската индустрија, на предлог на Министерството за земјоделство шумарство и водостопанство, Владата на Репблика Македонија на својата втора седница, донесе одлука за воведување на сет мерки во секторот земјоделство.

Имајќи ја во предвид актуелната состојба со жетвата, пред се на пченицата, но и законската обврска за обезбедување на потребните количини пченица за државните резерви, Владата на Република Македонија ја задолжи Агенцијата за стоковни резерви во рок од 7 дена да објави Јавен оглас за набавка на 40.000 тони пченица за потребите на стоковите резерви.

За да го стабилизира домашниот пазар со пченица и брашно, Владата донесе одлука во наредните три месеци  увозот на 1 кгр брашно да се услови со обврзувачки откуп на 4 кгр пченица од домашно производство. Исто така  воведена е и мерката со која до месец октомври се забранува извоз на меркантилна пченица.

Променливо облачно време со локален дожд и грмежи најавува за утре Управата за хидрометеоролошки работи. И покрај најавеното намалување на температурите, кои според прогнозата на УХМР утре ќе се движат од 19 степени Целзиусови во  високите планински предели и до 30 степени во низините,  Оперативното координативно тело за заштита на шумите од пожари предупредува дека иако опасноста од настанување на пожари е намалена, таа реално сеуште постои и може да предизвика големи штети, пред се во Повардарието, како и во Охридско битолскиот и Прилепскиот регион каде според УХМР не се очекуваат врнежи од дожд.

Центарот за управување со кризи (ЦУК) информира дека денес, противпожарни екипи на шумското стопанство ,,Лопушник,, на територијалната противпожарна единица од Кичево и Охрид го гаснат пожарот во село Челопеци во општина Вранештица каде во гори смрека, сува трева и  и густа ниска дабова шума. Во акцијата за гаснење на овој пожар вклучени се и два авиони на Дирекцијата за заштита и спасување.