Новости

Во рамките на 6-от Форум на соработка помеѓу земјите на централна и источна европа и НР Кина, државниот советник во МЗШВ, м-р Перица Иваноски оствари средба со заменик министерот за земјоделство на Република Кина господинот Ниу Дун. На средбата покрај тоа што беа потенцирани одличните односи и соработка помеѓу двете земји и меѓу министерствата, беше договорено во следниот период клучните области на соработка да вклучат конкретни активности за промоција на македонските производи, пред се македонското вино на кинескиот пазар, скорешно комплетирање на постапката за директен извоз на нашиот тутун во Кина, промоција на можностите за инвестиции од Република Кина во македонскиот земјоделски сектор, научно-техничка и истражувачка соработка особено во важните подсектори како производството на ориз и друго.

Во текот на следните два дена македонското земјоделство и можностите за инвестирање ќе бидат презентирани во Хефеи, провинцијата Анхуи пред кинеските бизнисмени и преставниците од другите централно и источноевропски земји.

Врз основа на член 21 од Законот за земјоделско земјиште (“Сл. весник на РМ” бр. 135/07 и 18/11) по Одлуката бр.22-8360/1 од 09.09.2011 година Министерот за земјоделство, шумарство и водостопанство, распишува

Ј а в е н О Г Л А С    бр. 04/11

за давање во закуп на земјоделско земјиште во државна сопственост

I. ПРЕДМЕТ НА јавниот ОГЛАС

Се дава во закуп земјоделско земјиште во сопственост на државата за подигање на оранжерии за времетраење до 30 години во регионот Свети Николе за вкупна површина од 15ха 57ар 80м²

Додаток за превземање: 

Јавен оглас бр.04 11.pdf

,,Република Македонија и Руската Федерација традиционално имаат одлична соработка, а потенцијалот за пласман на квалитетни земјоделско-прехранбени производи на овој пазар е голем. Потврда за тоа се позитивните резултати од реализираниот извоз во изминативе три години.  Само за периодот 2009 - 2010 година, извозот во Руската федерација е зголемен за осумдесет проценти. Од пласманот на свежо овошје и зеленчук, вино  и на други земјоделско-прехранбени производи во Русија во 2010 година државава инкасира 4,3 милиони евра девизен прилив наспроти 2,4 во 2009 година". Ова го констатира министерот за земјоделство, шумарство и водостопанство Љупчо Димовски на  македонско-рускиот деловен форум кој денеска се одржува во Москва, Русија во рамки на саемот за земјоделски производи,храна и вино ,,Светот на храната".

Израелската делегација предводена од министерката за земјоделство и рурален развој Орид Нокед, придружувана од нејзиниот колега министерот за земјоделство,шумарство и водостопанство Љупчо Димовски, денеска, во Охрид, ја посети јавната научна установа ,,Хидробиолошки завод,,- Охрид.  Првите луѓе на оваа институција ја запознаа израелската делегација со изведувањето на процесот на вештачкиот мрест на охридската пастрмка, процес кој почнал да се реализира во 1935 година со основањето на Заводот. Од 2005 година, поради влошената сосотојба со популацијата на  ендемскиот вид на охридската пастрмка, како што објаснија од Заводот, започна реализацијата на новиот приод кон вештачкиот мрест со колекционирање на икрите и враќање на матиците назад во водите на езерото.

Поврзување на винските патишта на Република Македонија и Израел, но, пред се пренесување на македонското искуство за тоа како како да се обедини  јавниот и приватниот сектор, да се креира развој на винските патишта преку кои ќе се унапредува и развива винскиот, а преку него и културниот и руралниот туризам. Ова се дел од заклучоците на денешниот состанок на претставниците на Фондацијата Тиквешки вински пат со израелската делегација која ја предводи Орид Нокед, министер за земјоделство и рурален развој на Израел.