Новости

На улицата „Македонија“ во Скопје денеска официјално беше отворена шестата по ред манифестација „Денови на македонскиот мед“ што ја организира општина Центар во соработка со пчеларската задруга „Матица“ и Федерацијата на фармери на Македонија како и министерството за земјоделство, шумарство и водостопанство.

Заменик-министерот за земјоделство, шумарство и водостопанство Зоран Коњаносвки на официјалното отворање на манифестацијата најави дека ќе продожат владините политики за поддршка на пчеларството.

Расцепканоста на земјоделските имоти оневозможува зголемување на производството и конкуретноста на македонското земјоделство и примена на соодветни агротехнички мерки. Поради тоа, окрупнувањето на земјоделското земјиште е една од стратешките определби на Министерството за земјоделство со која во иднина треба да се надмине овој проблем, беше истакнато на денешната работилница за окрупнување на земјоделското земјиште.

За таа цел, се подготвуваат измени на постоечкиот Закон за земјоделско земјиште со кои треба да се надмине натамошното раситнување на земјоделското земјиште, а изготвена е и Нацрт стратегија за окрупнување (комасација) која по нејзиното финализирање треба да почне да се применува од 2012 година.

Министерот за земјоделство, шумарство и водостопанство Љупчо Димовски и заменик министерот Зоран Коњановски денеска, вторник 27.09.2011 година во Министерството за земјоделство, шумарство и водостопанство одржаа работен состанок со претставници на Самостојниот синдикат на индивидуални производители на Македонија. На состанокот претставниците од синдикатот ги изнесоа своите барања, но, во најголемиот дел се дискутираше за состојбата со откупот на оризот.

Производителите на ориз го информираа министерот Димовски дека оваа производствена сезона производствените трошоци се зголемени за 40 проценти и дека во кочанско откуп на арпа вршат само 5-6 компании кои ја диктираат откупната цена на пазарот, а таа годинава пониска од ланската. Оваа година, како што истакнаа тие, преработувачите ја зголемиле и цената за преработка на килограм арпа од 2 на 3 денари. Тие изразија чудење како е можно во Македонија цената на оризот да паѓа, кога на севстко ниво оваа година таа е зголемена во просек за 20- 30 проценти.

,,Поради се што досега вложивме во развој на македонското земјоделство, особено во изминативе 5 години, Владата на Република Македонија и Министерството за земјоделство,шумарство и водостопанство,  не по 20 години, туку во многу скора иднина, на македонскиот земјоделец ќе гледа како на европски развиен бизнис партенер. Убеден сум дека  во годините што следат, зад нас ќе останат проблемите кои не тиштеа и не назадуваа во развојот во изминатиот период,,.Со овие зборови, министерот за земјоделство,шумарство и водостопставо Љупчо Димовски, им се обрати денеска на земјоделците и на науката на тркалезната маса ,,Земјоделците-следните 20 години,, која се одржа во Струмица по повод 20 години од независноста на Република Македонија.

Ценовно стабилизирање на пазарот со ориз преку обврзувачки откуп на домашно производство, засилени контроли на Агенцијата за храна и ветеринарство и на Државниот инспекторат за земјоделство на откупните пунктови и во прометот, најави министерот за земјоделство,шумарство и водостопанство Љупчо Димовски по денешната средба со претставниците на Националниот совет за ориз.  На состанокот на кој се дискутираше за актуелната состојба со откупот на оризот присуствуваа и заменик министерот за земјоделство,шумарство и водостопанство Зоран Коњановски, градоначалниците на општините Кочани и Чешиново-Облешево и директорот на Државниот инспекторат за земјоделство. Министерството за земјоделство,шумарство и водостопанство како што рече министерот Димовски ја прифати иницијативата на Националниот совет за ориз  за набавка на комбајни за жетва на ориз по поволни услови.