Новости

Министерот за земјоделство, шумарство и водпстопанство Љупчо Димовски вчера вечер се сретна со висока делегација од Израел во состав David Cohen, амбасадор на Израел за Македонија, БиХ и Албанија, амбасадорот на Израел во Меѓународната агенција за развој MASHAV, Ben-Matityahu Ephraim, претставник од израелското Mинистерство за земјоделство, Daniel Werner, експертот за земјоделски технологии и производство на семе и саден материјал Gioria Tesler и почесниот конзул на Израел во Македонија, Viktor Mizrahi.

Министерот за земјодество, шумарство и водостопанство Љупчо Димовски со неговиот заменик Зоран Коњановски и повеќе раководители на сектори во министерството во рамките на отворените денови денеска се сретнаа со повеќе земјоделци од тетовско.

На состанокот што се одржа во зградата на општина Тетово главни прашања од земјоделците беа за субвенциите за овците и предаденото млеко.

- Целта на овие отворени денови е да ги слушнеме проблемите на земјоделците и сточарите, да изнајдеме решение веднаш ако е можно, да ги промовираме нашите програми и политики, како и да слушнеме идеи и предлози од самите присутни за нивни подобрување. Од овие проекти би ги истакнал програмите за директна финасиска подршка односно субвенциите во сите гранки и програмата за рурален развој на неразвиените подрачја за која ќе бидат наменети околу 20 милиони евра, изјави министерот Димовски.

Во рамките на на оваа посета на тетовско доцна попладнево се одржа и трибина во Прељубиште, Општина Јегуновце.

Попрецизна слика за агросекторот, поефикасно аплицирање на субвенции и подобра контрола ќе овозможи Системот за идентификација на земјоделските парцели (СИЗП). Овој проект што почна во 2008 година, денес е веќе во финална фаза, а се очекува да профункционира од 2013 година.

- Со максимална посветеност ја стартувавме реализацијата на овој референтен систем свесни за потребата од негов развој и имплементација со цел и во оваа област да бидеме на ист ранг со земјите-членки на ЕУ, истакна ресорниот заменик-министер Зоран Коњановски на денешниот завршен семинар за проектот.

Околу 200 оператори се веќе обучени за системот, но дополнително, како волонтери во проектот се вклучени и уште 70 студенти кои моментно посетуваат обуки.

Министерот за земјоделство, шумарство и водостопанство Љупчо Димовски  денеска, во рамки на есенската акција  за пошумување на Република Македонија -,,Ден на дрвото засадија својата иднина,,   учествуваше во пошумувањето на месноста Присое во Општина Кратово. Оваа локација како што истакнаа  организаторите на акцијата ќе се пошуми со 10 илјади садници.

Според министерот Димовски, Владата на Република Македонија и Министерството за земјоделство,шумарство и водостопанство, како и голем број институции, ја поддржаа и осмата по ред акција за пошумување. ,, Во есенската акција според планираното треба да се посадат околу 6 милиони садници, со што уште еднаш ќе покажеме дека зачувувањето на природата, на шумите, еден од нашите приоритети. Кампањата за пошумување, како што рече министерот Димовски  е потврда  на фактот дека со секоја нова акција се зголемува и свеста на граѓаните за важноста  на шумите и за нивното зачвување,,-рече тој.

Најголемата кинеска компанија од виснкиот сектор во почетокот на идната година ќе дојде во Република Македонија  да го скенира винскиот пазар и да ги согледа можностите за извоз на македоснко вино во Кина. Ова денеска го најави заменик министерот за земјоделство на Народна Република Кина, Гао Хонгбин на средбата со министерот за земјоделство,шумарство и водостопанство Љупчо Димовски и заменик министерот за земјоделство Зоран Коњановски. Ваквата најава од кинеското ресорно министерство, како што објасни Хонбин, следува по минатомесечното потпишување на договор од една кинеска компанија за извоз на македонско вино на кинескиот пазар во вредност од 250 илјади евра.