Делегација од Министерството за земјоделство, шумарство и водостопанство, предводена од министерот Михаил Цветков, државниот секретар Бесир Јашари, директорот на Управата за водостопанство Кадир Сали оствари работен состанок со градоначалникот на Гостивар, Невзат Бејта. На состанокот присуствуваше и министерот за правда Аднан Јашари.
Теми на разговот беа проблемите со кои се соочуваат земјоделците од гостиварскиот регион и спроведување на крупните проекти, особено за проектот за системот за наводнување Равен - Речица.

Зголемување на конкуретноста на македонските земјоделското производство и прехранбената индустрија, развој на руралните средини, поддршка за формирање на земјоделски задруги и одржливо управување со природните ресурси се дел од целите на новата Нацрт - стратегија за земјоделство и рурален развој што ќе се имплементира од 2015 до 2020 година.

Овие цели се очекува да се реализираат преку низа проекти за модернизација на земјоделско-прехранбениот сектор, подобрување на квалитетот на земјоделските производи и едукација на земјоделците. Се планираат и сериозни инвестиции од страна на државата во изградба на инфраструктурата во руралните средини, а како дел од ова се и 20-те милиони евра што годишно ќе се вложуваат за подобрување на водостопанскиот систем.

Очекувањата се дека со релизацијата на овие цели ќе се подобрат позитивните параметри во земјоделскиот сектор како што се зголеменото производство и извоз на земјоделските производи и зголемување на БДП во земјоделството.

До крајот на годинава ќе се финализира идејното решение за специјализирани продавници за органска храна. Тие ќе бидат предвидени во Програмата на Министерството за земјоделство, шумарство и водостопанство за 2015 година, најави ресорниот земник министер Ванчо Костадиновски по денешната средба во Министерството со здруженијата на производители на органска храна и сертификациските тела.

- На средбата се согласивме дека идејата за отворање на специјализираните продавници за органска храна е добра во насока за промоција на продажбата на органските производи заради поорганизиран настап. Се надеваме дека до крајот на годинава ќе го финализираме идејното решение. Ќе финасираме дел од трошоците, а средствата ќе бидат исплаќани преку Програмата за финасиска поддршка на земјоделството и руралниот развој за 2015 година, рече Костадиновски.

Македонските винарии се промовираат во Хонг Конг.

Девет македонски винарии (Тиквеш, Сковин, Стоби, Езимит, Далвина, Камник, Попов, Имако и Попова Кула) организирани преку Здружението Вина од Македонија учествуваат на интернационалниот саем за вино и жестоки пијалоци во Хонг Конг каде здружено се промовираат пред професионалната публика на Хонг Конг - увозници, дистибутери, преставници на ХоРеКА сегментот, вински критичари, новинари и сомелиери.

Саемот се одржува од 6 до 8 Ноември 2014 и преставува најголемиот саем во овој дел на Кина,  на кој своите вина ги презентираат повеќе од 1000 изложувачи од 38 земји од светот и истиот привлекува повеќе од 20.000 увозници и дистрибутери на вино.

Учеството на саемот и Националниот павилјон се поддржани од страна на Министерство за земјоделство, шумарство и водостопанство на Република Македонија преку програмата за поддршка на извозот на македонски производи, во чии рамки се обезбеди финансиска поддршка за простор и  штанд од 100м2 за македонски компании производители на вино.

ОГЛАС
за поднесување барање за полагање на стручен испит за
проценувачи од областа: земјоделство
Министерството за земјоделство, шумарство и водостопанство ги повикува сите заинтересирани лица кои ги исполнуваат условите за полагање на стручен испит за проценувач и кои поседуваат сертификат за завршена обука, да поднесат барање за полагање на стручен испит од областа на:
ЗЕМЈОДЕЛСТВО

Додаток за превземање: 

Оглас за стучен испит