Демант

Министерството за земјоделство, шумарство и водостопанство остро реагира на неоснованите наводи изнесени на денешната прес конференција на ,,Обединети за Македонија,,.

Влаcта и Министерството подолго време ја следи состојбата во лозаро винарскиот сектор,при што заедно со лозарите и винарските визби се разговараше за надминување на кризата која што е последица од светската финансиска криза и слабиот пласман на виното во светски рамки, а не само на македнското вино.

Оваа Влада е сериозна и на таков начин пристапи кон овој проблем со цел во крајна линија,  да им се помогне на лозарите, да се откупи годинешниот род на винското грозје и да создаде фер услови.

Да појасниме, оваа мерка се однесува за сите винарски визби, а не за одредеи како што тврдат од Обединети за Македониа. Овие мерки се резултат на неколкуте средби на вицепремиерот Владимир Пешевски и министерот за земјоделство, шумарство и водостопанство Љупчо Димовски со претставници на винарските визби и на  здруженијата на лозари.

Министерството жали што неможе да им излезе во пресрет на ,,Обединети за Македонија,, и на нивните залагања винското грозје да остане неоткупено, сметајќи дека од субвенциите ќе профитираат само одредени винарски визби.

Владата и министерството за земјоделство не вршат уцена на винарските визби  туку  ги поттикнува и винариите и лозарите да ги почитуваат склучените договори за откуп, каде се наведени и роковите за исплата на откупеното грозје.