Соопштенија

Денеска  после цели 4 месеци СДСМ повторно промовираше мерки со кои наводно ќе го развиваат земјоделството.

Земјата е веќе кај вистинските земјоделци бидејќи во последниве 6 години оваа Влада распредели 60.000 ха на 7.700 земјоделски стопанства за разлика од СДСМ кои распределија 100.000 ха на 411 газди. Ги прашуваме  СДСМ дали овие газди - земјопоседници за нив се вистинските земјоделци на кои планираат да им обезбедат достоинствен живот со нивните памфлет политики.

Воедно ги прашуваме како обичниот земјоделец за кој што тврдат дека е на работ на егзистенција може да си дозволи задолжително да вработи земјоделски инженер и други вработени како што предлагаат.

Дали преку денес понудената распределба на земјоделското земјиште преку општините исчезнаа ветувањата за 10 милиони евра годишно за инвестициите во системите за наводнување?

Откупени се 27,5 милиони килограми тутун или преку 80 отсто од договорените 32 милиона килограми. Просечната цена достигна 154,65 денари за килограм.  Како што изјави министерот за земјоделство, шумарство и водостопанство Љупчо Димовски, 209 производители поднеле барања за дополнителна проценка на три тони тутун преку Второстепената комисија, но од нив, над 50 отсто добиле иста, дури и полоша оценка за квалитетот.
Моментно, освен преземањето на преостанатите договорени количини, приоритет останува и откупот на тутунот, околу 700 тони, од радовишките производители кои требаше да ги откупи „Томи мид“.
- Нема да ги оставиме на цедило тутунарите од Радовишко. „Сокотаб„ и „Алијанса“ се обврзаа дека ќе ги преземат количините, нешто помалку од 700 тони, што останаа. На „Томи мид“ му е одземена лиценцата и поднесени се кривични пријави зашто од вкупно договорените 950 тони откупи само 300, рече министерот Димовски.
Според него, годинава откупот е значително поинтензивен, но цената е пониска.

Македонија и Хрватска ќе  договорат  приоритети во областа на земјоделството кои ќе бидат содржани во меморандум со кој и формално ќе биде потврдена  досегашната плодна соработка, оценија денеска на средба во Скопје министрите на двете земји, Љупчо Димовски и Тихомир Јаковина.

Македонија во својот евроитеграциски процес ќе ги користи искуствата во овој сектор од Хрватска како полноправна членка на Европската унија.

- За Република Македонија е особено значајна можноста за понатамошна соработка во делот на искористување на претпристапните фондови (ИПА) и искуствата на Хрватска во спроведувањето на мерката за техничка помош, акредитација на мерките рурален развој и Лидер како и улогата на советодавните служби во спроведување на ИПАРД, истакна министерот Димовски.

На средбата тие разговараа и за фитосанитарната политика, за водоснабдувањето и ефикасен систем за наводнување земјоделски површини, за кое министерот Димовски рече дека драгоцени ќе бидат искуствата на Хрватска при формирањето на претпријатието „Хрватски води“.

Со закројувањето на лозјата во Лепово, Тиквешко, министерот Димовски и хрватскиот министер Јаковина го означија почетокот на новата винска година.

- Лозарството и винарството, стануваат едни од стратегиските сектори на македонското земјоделство. Од тие причини се посветува се поголемо внимание за нивен развој.Задоволен сум од трудот во изминатите четири до пет години за консолидирање на ситуацијата во лозарството. Минатата година од винарските визби се откупени 168.000 тони винско грозје и дополнителни 25.000 тони произлегоа од винариите. Како никогаш досега имаме над 190.000 тони грозје во домашните капацитети, а многу мал дел беше извезен што е добро, истакна министерот Димовски.

Освен количините за извоз, се зголемува и цената на македонското вино. Драстично е зголемен, како што рече министерот, и пласманот на флаширано вино, преку 17 милиони литри годишно или дневно над 60.000 шишиња што е показател за квалитетот и атрактивноста на странските пазари.

Mинистерот за земјоделство, шумарство и водостопанство  Љупчо Димовски присуствуваше на  започнувањето на работите на паркот „Езерце“ во Пехчево и на изградбата на улици во селата Умлена, Чифлик и Негрево, со вкупен износ од 4.746.685,00 денари.
- Пoсетата на  општина Пехчево ја искористивме да го одбележиме почетокот на работите за уредување на  излетничкото место „Езерце“ на површина од 3,36 хектари, за што преку Програмата за рурален развој обезбедивме средства во износ од  околу 3.000.000,00 денари. За подобрување на условите за живот во селата Негрево, Умлена и Чифлик  се одобрени проектите на локалната самоуправа во Пехчево за селски улици во вкупна должина од еден километар, за  што ќе бидат инвестирани 4.746.685,00 денари, рече министерот Димовски.