Соопштенија

Безидејноста на СДСМ се потврдува и со вечерашното соопштението во кое се бара одговор од Министерството за земјоделство, шумарство и водостопанство за изнаоѓање на решение во склучувањето на договорите помеѓу тутунопроизводителите и откупувачките претпријатија.

Дисквалификациите кои се користат во соопштението кон институциите на државата веројатно во СДСМ се сметаат за сосема прикладни.

Ја информираме јавноста дека во Министерството за земјоделство, шумарство и водостопанство предмет на анализа се 34.609 договори кои тутунопроизводителите Е потребно да ги склучат со откупувачките претпријатија.

Серијалот на наводно внимание на таканаречените стручни и загрижени во СДСМ за земјоделските состојби продолжува. Овој пат на тема тутунопроизводство и откуп на ориенталниот тутун, реколта 2013 година.

Веројатно на таканаречените стручни и загрижени во СДСМ не им позната или свесно ја премолчуваат вкупната количина на ориенталниот тутун.

Затоа за нивно подобро разбирање на проблематиката ги повторуваме вкупно 32.894.205 килограми ориентален ситно листен тутун, договорени количини помеѓу тутуно производителите и откупувачките компании. Количина која во времето на сите влади на СДСМ беше незамислива за производство, уште помалку предмет на договор.

Наместо лицемерно да се грижат за наводната преостаната количина тутун, која само ним им е позната, ги потсетуваме на нивната постојана кампања за време на откупот. спроведувана преку нивните активисти, да создаваат немир и неизвезвесност, сето на штета на непосредните производители.

Денес, министерот и заменик министерот за земјоделство, шумарство и водостопанство, Љупчо Димовски и Зоран Коњановски и директорот на Државниот инспекторат за земјоделство, Румен Стаменов, во просториите на Министерството за земјоделство, одржаа координативен состанок со откупните претпријатија за тутун и претставници од Сојузот на здруженијата на тутунопроизводители.
На состанокот од откупните претпријатија беше побарано да достават податоци за планирани количини на откуп на ориентален тутун за реколта 2014 година.
Како резултат на условите и пазарните поместувања претставниците на откупувачите ја истакнаа потребата од одредени намалувања во предвидените количини на откуп на ориентален тутун за реколта 2014 година.
Од страна на претставниците на Министерството за земјоделство, шумарство и водостопанство се побара да се исклучи селективноста, односно да не се намалува бројот на кооперанти со кои ќе се склучуваат договори за откуп на тутун, но да се изврши корегирање во количините на произведен тутун.

Во откупно-преработувачката дејност имаме одлични резултати. Фактот дека компаниите од Македонската асоцијација на производители пласираат дури 53 отсто од вкупниот извоз во земјите членки на ЕУ е доказ за имплементацијата на ЕУ стандардите во производството, истакна министерот за земјоделство, шумарство и водостопанство Љупчо Димовски по денешната посета на откупно-дистрибутивниот центар „Алтра“ во Гевгелија.

За таа цел, потенцира министерот Димовски, е воведена и дополнителната финансиска поддршка  за предадено градинарско и овошно производство во преработувачките капацитети со кои се разговара за нови мерки и политики во насока на дополнителни позитивни резултати.

- Целта е да ги задржиме постоечките пазари и да освоиме нови. За тоа треба многу труд во јакнењето на дијалогот меѓу преработувачите и производителите, дополнителен анагажман во маркетингот и генерално осовременување на производството, нагласи министерот Димовски, додавајќи дека во оваа насока  се и измените на ИПАРД програмата.

Во индустриската зона Макази во близина на Ресен денеска почна изградбата на комплекс за складирање и преработка на јаболка, инвестиција на фирмата Apple Land од Дубаи во износ од пет милиони евра.

На поставувањето камен темелник присуствуваа премиерот Никола Груевски, министерот за земјоделство, шумарство и водостопанство Ључо Димовски, директорот на ТИРЗ Виктор Мизо, градоначалникот на Ресен, Ѓоко Стрезовски и претставници од компанијата Apple Land.

Комплексот, според претставникот на Apple Land, Франсис Турно, ќе се гради во три фази. Во првата фаза ќе биде опфатена изградба на ладилник со капацитет од пет тони јаболко. Комплексот треба да биде ставен во функција до септември.

- Врз основа на резултатите од првата фаза, ќе продолжи изградбата на целиот комплекс, кој треба да собере десет тони јаболка и да се вработат околу 100 луѓе, рече Турно.

Со откупот на јаболката од локалните производители, како што истакна, оваа инвестиција нема да биде корисна само за нив, туку ќе биде од големо значење и за локалното земјоделство, но и за Република Македонија.