Новости

Во министерството за земјоделство,шумарство и водостопанство се оддржа првата презентација на дел од реализираните проекти за индиректна
поддршка на земјоделството за 2008 г.Минатата година од општите мерки од Програмата за финансирање на земјоделството финансиски беа поддржани и реализирани 43 проекти со вкупна вредност од околу 10 милиони денари од областа на едукацијата, научни истражувања,  здружување на производителите и организирање на повеќе агро-манифестации.

Интересот за искористување на парите од ИПАРД Програмата е се поголем и кај земјоделците и кај компаниите од агро секторот.Тие интензивно подготвуваат бизнис планови, а  според сегашниот интерес, најмногу ќе конкурираат за осовременување на земјоделските стопанства, за развивање на руралниот туризам,  но и за реконструкција на штали и модернизирање на млечната и винската индустрија. Ова беше истакнато на денешниот информативен состанок што го организираа Телото за управување со ИПАРД и Агробизнис комората при Сојузот на стопански комори.

Претставниците на Агробизнис комората  информираа дека стопанствениците знаат како да аплицираат за парите од ИПАРД. Покрај домашните, тие консултирале и странски експерти, но имаат забелешки за начинот на кој ќе се делат парите. Нивниот предлог е  да се направат одредени корекции на програмата која како што истакнаа мора да се прилагоди на нашите услови на стопанисување.

Министерот за земјоделство, шумарство и водостопанство Љупчо Димовски, попладнево во Битола ја следеше презентацијата на ИПАРД-програмата со цел да се увери во големиот интерес кој го имаат земјоделците за оваа европска можност за македонското земјоделство.

Нема проблеми околу годинашниот откуп а тутунот, а на барање на производителите, како што информира  министерот за земјоделство, шумарство и водостопанство Љупчо Димовски при денешната посета на еден од откупните пунктови во прилепскиот Тутунски комбинат, годинава порано почна откупната кампања. Родот е квалитетен и за 30 отсто поголем од минатата година. Ова според министерот Димовски верува дека тутунарите ќе постигнат повисока цена од ланската.

Проблематиката што се однесува на фитосанитарниот систем, биолошки штетните агенси, методите за контрола на популацијата на штетниците, како и имплементацијата на Законот за заштита на растенијата се главните теми на кои ќе расправа на 34-то Советување за заштита на растенијата што неделава се одржува во Охрид.

Советувањето го организира Здружението за заштита на растенијата на Македонија, со поддршка на Министерството за земјоделство, шумарство и водостопанство и националната Фитосанитарна управа. На оваа традиционална манифестација учествуваат педесеттина експерти и гости од земјава, но и од научноистражувачки центри од Русија, Србија, Хрватска, Словенија Романија, Бугарија и Албанија.