Телото за управување со ИПАРД при Министерството за земјоделство, шумарство и водостопанство,  во соработка со Агенцијата за финансиска поддршка во земјоделството и руралниот развој, продолжува со кампањата за претставување на ИПАРД програмата.

Утре четврток, 3.12.2009 година, во 13 часот,  во Стопанска комора на Македонија, ќе се одржи состанок со Групацијата на преработувачи на месо.

Во Делчево и Берово, Телото за управување ИПАРД ќе одржи информативен ден за заинтересираните земјоделци и компании од агросекторот .

Во Делчево, претставувањето на ИПАРД програмата ќе се одржи во  Спомен домот на АСНОМ со почеток во 10 часот, а во Берово во 14 часот во просториите на општината.

ИПАРД инфо деновите продожуваат  во петок, 4.12.2009 година, во Арачиново и во Чучер Сандево.

Министерот за земјоделство, шумарство и водостопанство Љупчо Димовски, утре среда, 2 декември 2009 година, со почеток во 10:30 часот, во Хотел Континентал, ќе ја презентира „Нацрт-стратегијата за лозарство и винарство во Р. Македонија“.

Телото за управување со ИПАРД при Министерството за земјоделство, шумарство и водостопанство, во соработка со Агенцијата за финансиска поддршка и рурален развој, утре  ќе организира ИПАРД инфо ден во Куманово .

Се покануваат сите заинтересирани земјоделци да ја проследат презентацијата за можностите, условите и начинот на аплицирање за добивање на средствата од предпристапните фондови на ЕУ, што ќе се одржи од 12 часот во Зградата на поранешниот комитет.

На почетокот на состанокот на Агросоветот министерот за земјоделство, шумарство и водостопанство Љупчо Димовски истакна дека ИПАРД Програмата на Република Македонија за користење на средствата од ИПАРД фондовите е еден од основните документи за планирање на мерките за развој на земјоделството и руралниот развој целосно усогласени со мерките од заедничката земјоделска политиката на Европската Унија. ИПАРД Програмата се реализира преку сет на комплементарни мерки за надминување на недостатоците и искористување на можностите и потенцијалот на македонското земјоделство и традицијата на македонското село, а особено преку помош за постепено воведување на стандардите на Европската Унија во агро-бизнис секторот и зголемување на безбедноста на храна за домашните потрошувачи.

Во министерството за земјоделство,шумарство и водостопанство се оддржа првата презентација на дел од реализираните проекти за индиректна
поддршка на земјоделството за 2008 г.Минатата година од општите мерки од Програмата за финансирање на земјоделството финансиски беа поддржани и реализирани 43 проекти со вкупна вредност од околу 10 милиони денари од областа на едукацијата, научни истражувања,  здружување на производителите и организирање на повеќе агро-манифестации.